Och doee sjoeëne sjtad am Rhein, mit dieen Dom, Rosenmontagszug, Willy Millowitsch, d’r Tunis en d’r Sjael, 4711. Sjtad van Alt en Früh…
Om maar neet lang d’r om haer te drieë: de Hoej organizeert dit joar een reeske noa Kölle.
En ’t sjonste is: jieëderee moog mit (taege betaling natuurlik).
V I V A C O L O N I A !
Op zoaterdig 1 oktoeëber aa-sjtoande make v’r dat “semi-kultureel” reeske. Get trampele onger leijing van eene echte Kölsje gids en doanoa een tas “Kaffee und Kuchen”, urges in de “Altstadt”.
Doanoa kènt jieëderee doeën wat ’r wilt in de sjtad. Mer nurges aa-komme: eene hauve mieëter aafsjtand haute rondjom de Dom)!
V’r gont mit een bus -haer en ooch weer truuk- en vertrèkke om 9 oeër vanaaf de Bleekplaats.
Rondj kwart vuuer 7 (’s oaves) vare v’r vanoeet Kölle weer “ab” noa Sjilvend. De priees per persoeën is € 25,- (dat is inkluzief MwSt. Mer ekskluzief drank en (werm) aete. Vuuer wae dat wilt:
d’r zint genog billige restaurantjes. Vroag ’t os gerus!).
Alle Hoejers, Bij-Hoejers, geweun luuj of vrunj kènne mit.
I-sjrieëve en betale mot g’r estebleef uuterlik doeën vuuer de 13e september.
En joawaal: vol is ech vol!
